ياعرب فين الكرامة
والرجوله والشهامة
بكره جاى يوم الندامة
فين العروبة والنخوة
فين الإحساس بالإخوة
مؤتمرات وكلام زيادة
وكله بدوَّر ع الريادة
يلاَّ يا عربى إصحى وفوق
إرفع راسك بُص لفوق
عايزين وقفه بجد صريحه
غزه هترجع ويا اريحا
فين عُمر وفينه صلاح
هُما دول دَرب النجاح
فين اسلامنا والعقيدة
اللى ذهبوا مع الرياح
عقديتنا هى الوسيلة
هى طريقنا للفلاَح
المصطفى قالها صريحه
هتبقوا غثاه يوم النباح
كفانا بقا هتافات وصياح
صواريخهم تنبح وتعاوى
وإحنا بأشعار وغناوى
عايزينها ترجع لينا تانى
ع الطريق دا أنا مش ناوى
غزه بتصرخ وتنادى
إنقذونى يا ولادى
كل يوم شهيد وجريح
كل دا بقا شئ عادى
الأقصى بيبكى وهو حزين
إمتى هيرجع يوم حطين
كُنَّا هنقول لفلسطين
إحنا بنمد الأيادى
لو يومين بترول نقطعهم
كانوا هيقفلوا مصانعهم
هنخلّى العَالم يقاطعهم
إحنا مش عايزين بضايعهم
وأنا بقولك يا فلسطين
إحنا معاكِ ليوم الدين
النصر جى وماتخافوش
مهما يكون ف الدنيا وحوش
لازم يرجع يوم حطين
